कथा-बाल मस्तिष्क र शहरी दशैं
काठमाडौको कोटेश्वरमा बस्ने गोकुल शर्मा र निर्मला शर्माको एक्लो छोरा कुशल यसपालिको भदौमा ७ बर्ष पुरा भएर ८ मा लागे । गोकुल शर्मा कास्की जिल्लाका पुर्व जिल्ला प्रमुख हुनुको साथै हालका मन्त्रालयका सहसचिव समेत हुन् । शर्मा जी सरकारी जागिरे भएको कारण कुशलको वालापनले ग्रामीण बालबालिकाको तुलनामा आभाब र बाध्यताको छायाँ समेत देख्नु परेन । कुशलका लािग उनको ६ आनामा फैलिएको कम्पाउण्ड सहितको घर, उनको सातदोबाटो स्थित श्री मोरल बोर्डिङ स्कुल र उनलाई स्कुल लाने र घर ल्याउने पहेलो गाडी नै संभवत उनले देखेको संसार हो । यी बाहेक उनको संसारमा अरु केहि अटाउँछ भने त्यो हो उनका मम्मी ड्याडीले सपिङ गर्दा उनलाई लाने गरेको भाटभटेनी सपिङ कम्पेक्स र विदामा घुम्न जाने गरेको भृकुटी मण्डप जुन उनलाई अन्यन्तै रमाईलो लाग्छ । उनले टि.भी मा नियमित रुपमा हेर्ने गरेको "अगि एण्ड द कोकरोज" र "बाल हनुमान" पनि उनको सानो संसारका थप हिस्साहरु हुन् । उमेरको वृद्धि संगसंगै कुशलको चेतनाको स्तरपनि अलिक फराकिलो भएछ क्यारे, गत साता शर्मा जी र निर्मलाको सानो झगडा हुदाँ निर्मलाको सा...